O‘zbekiston Respublikasi Qishloq xo‘jaligi vazirligi Ishonch telefoni: +998 (55) 506-02-08
O‘zdavyerloyiha instituti logotipi O‘zdavyerloyiha Davlat ilmiy-loyihalash instituti
O‘zbekiston Zamini
UZ

Institut faoliyati

Institut haqida

Yer resurslarini ilmiy asosda boshqarish, loyihalash va muhofaza qilishga xizmat qiluvchi davlat instituti.

O‘zbekiston Respublikasi Qishloq xo‘jaligi vazirligi “O‘zdavyerloyiha” davlat ilmiy-loyihalash instituti

Institut O‘zbekiston Respublikasi Ministrlar Sovetining 1961-yil 24-martdagi 205-sonli qaroriga asosan tashkil qilingan. O‘zbekiston Respublikasi Prezidentining 2021-yil 24-fevraldagi PQ-5006-son qaroriga muvofiq Qishloq xo‘jaligi vazirligi tarkibiga o‘tkazilgan.

Institut O‘zbekiston Respublikasi qonun hujjatlariga binoan tashkil etilgan bo‘lib, uning muassisi O‘zbekiston Respublikasi Qishloq xo‘jaligi vazirligi hisoblanadi. Institut o‘z faoliyatida Konstitutsiya, boshqa normativ-huquqiy hujjatlar hamda o‘z Ustaviga amal qiladi.

Institut faoliyatining asosiy maqsadi yer tuzishga oid kompleks tadbirlarni bajarishga yo‘naltirilgan loyiha-qidiruv, ilmiy-tadqiqot va kuzatuv ishlarini olib borish, shuningdek xo‘jalik yurituvchi subyektlarga shartnomalar asosida xizmat ko‘rsatishdan iborat.

Asosiy vazifalar

Faoliyat yo‘nalishlari

Yer tuzishdan raqamli xaritalashgacha bo‘lgan kompleks ilmiy va amaliy ishlar.

  1. 01

    Yer tuzish ishlarini bajarish va sohani takomillashtirish bo‘yicha kompleks chora-tadbirlarni ishlab chiqish.

  2. 02

    Yangi yer uchastkalarini tashkil etish va mavjud yer uchastkalarini tartibga solish loyihalarini tuzish.

  3. 03

    Yer uchastkalarini tanlash va ajratish bo‘yicha loyiha hujjatlarini tayyorlash, chegaralarni joyning o‘zida belgilash.

  4. 04

    Elektron raqamli qishloq xo‘jaligi xaritalarini yaratish, yerlarni deshifrovka qilish va xatlovdan o‘tkazish.

  5. 05

    Yer kadastri elektron bazasi va “Yer axborot tizimi” geportalini yaratish hamda yuritish.

  6. 06

    Uchuvchisiz uchish qurilmalaridan foydalangan holda yerlarning holati va ulardagi o‘zgarishlarni monitoring qilish.

  7. 07

    Yaylov va pichanzorlarda geobotanik tadqiqotlar o‘tkazish, yaylov xaritalarini tuzish.

  8. 08

    Ekinlarni joylashtirish bo‘yicha elektron xaritalar tuzish va agrotexnik tadbirlarni kuzatish.

  9. 09

    Almashlab ekish, yerlarni baholash va buzilgan yerlarni rekultivatsiya qilish loyihalarini ishlab chiqish.

  10. 10

    Tayyorlangan loyihalarning amalga oshirilishi ustidan mualliflik nazoratini olib borish.