Doktorantura (DSc) va tayanch doktorantura (PhD) 2027-yil uchun 06.01.10 – “Yer tuzish, kadastr va yer monitoringi” ixtisosligi boʻyicha tanlov eʼlon qiladi

“O‘zdavyerloyiha” davlat ilmiy-loyihalash institutida 2027-yil uchun tayanch doktorantura va doktoranturaga hujjat topshirgan talabgorlar uchun ilmiy tadqiqot ishi taqdimotiga qo‘yiladigan talablar

I.   Tayanch doktorantura (PhD) taqdimoti bo‘yicha

1. Tadqiqot mavzusi va talabgor toʻgʻrisidagi asosiy maʼlumotlar

- ilmiy tashkilotning nomi;

- talabgorning familiyasi, ismi va otasining ismi;

- taʼlim shakliga qabul - tayanch doktorantura (PhD);

- ilmiy ixtisoslikning shifri va nomi;

- rejalashtirilayotgan tadqiqot mavzusi.

2. Tadqiqot mavzusining dolzarbligi va oʻrganilganlik darajasi

- tadqiqotga asos boʻlayotgan aniq muammo yoki masala;

- mavzuning dolzarbligini tasdiqlovchi asosiy dalillar;

- mahalliy va xorijiy tadqiqotlarda erishilgan asosiy natijalar;

- tadqiqotning yetarlicha oʻrganilmagan yoki hal etilmagan jihatlari;

- yangi tadqiqotni amalga oshirish zarurati;

- foydalanilgan asosiy manbalarga qisqa havolalar aks ettiriladi.

3. Tadqiqot maqsadi va vazifalari

- tadqiqotning aniq va umumlashtiruvchi maqsadi;

- maqsadga erishishga qaratilgan asosiy ilmiy vazifalar;

- vazifalarning oʻzaro mantiqiy ketma-ketligi;

- maqsad va vazifalarning ilmiy muammo bilan bogʻliqligi;

- vazifalar orqali erishilishi kutilayotgan natija yoʻnalishi aks ettiriladi.

4. Tadqiqot obyekti, predmeti va qamrovi

- tadqiqot obyekti;

- tadqiqot predmeti;

- obyekt va predmet oʻrtasidagi bogʻliqlik;

- ularning tadqiqot maqsadi va vazifalariga muvofiqligi;

- tegishli hollarda hududiy, vaqt, maʼlumotlar, tajriba qamrovi aks ettiriladi.

5. Tadqiqot metodologiyasi va usullari

- tadqiqotning asosiy metodologik yondashuvi;

- qoʻllaniladigan asosiy ilmiy usullar;

- usullarning tadqiqot vazifalari bilan bogʻliqligi;

- maʼlumotlarni olish, qayta ishlash va tahlil qilish tartibi;

- tadqiqot xususiyatidan kelib chiqib maʼlumotlar, materiallar, dasturiy vositalar yoki uskunalar;

- usullar orqali kutilayotgan natijalarni olish imkoniyati aks ettiriladi.

6. Tadqiqot gʻoyasi va kutilayotgan ilmiy ahamiyati

- tadqiqotning asosiy gʻoyasi;

- tadqiqot orqali aniqlanishi, tekshirilishi yoki asoslanishi kutilayotgan masala;

- taklif etilayotgan yondashuvning mavjud tadqiqotlardan farq qiluvchi yoki ularni toʻldiruvchi jihati;

- kutilayotgan ilmiy natija yoʻnalishi;

- tadqiqotning ilmiy ahamiyati;

- tegishli hollarda natijalarning amaliy qoʻllanish imkoniyati.

7. Tadqiqotni amalga oshirish bosqichlari va ish rejasi

- tadqiqotning asosiy bosqichlari;

- har bir bosqichda bajariladigan asosiy ilmiy ishlar;

- vazifalarning uch yillik davr boʻyicha taqsimlanishi;

- har bir bosqich yakunida kutilayotgan oraliq natijalar;

- bosqichlar va oraliq natijalarning oʻzaro mantiqiy bogʻliqligi;

- tadqiqot natijalarini umumlashtirish va dissertatsiyani yakunlash;

- dissertatsiya bajarilgan muassasada dissertatsiyani dastlabki ekspertizadan oʻtkazish;

- dissertatsiyani himoyaga taqdim etish va Ilmiy kengashda himoya qilish;

- tadqiqot va dissertatsiya ishini belgilangan uch yillik muddatda yakunlash imkoniyati yoritiladi.

8. Tadqiqotni amalga oshirish imkoniyati va yakuniy asoslash

- tadqiqot uchun asosiy maʼlumotlar, materiallar va tadqiqot bazasi;

- tegishli hollarda laboratoriya, uskuna, dasturiy vosita yoki boshqa resurslar;

- ulardan foydalanish imkoniyati;

- tadqiqotni uch yilda amalga oshirish imkoni mavjudligi;

- tadqiqotni amalga oshirishdagi asosiy qiyinchilik yoki cheklovlar;

- tadqiqot muammosi, maqsadi, metodologiyasi, gʻoyasi va rejasining umumiy muvofiqligi;

- tadqiqotni amalga oshirishning yakuniy ilmiy asosi.

II.Doktorantura (DSc) taqdimoti bo‘yicha

1. Tadqiqot mavzusi va talabgor toʻgʻrisidagi asosiy maʼlumotlar

- ilmiy tashkilotning nomi;

- talabgorning familiyasi, ismi va otasining ismi;

- taʼlim shakliga qabul - doktorantura (DSc);

- ilmiy ixtisoslikning shifri va nomi;

- rejalashtirilayotgan dissertatsiya tadqiqoti mavzusi aks ettiriladi.

2. Avvalgi ilmiy natijalar va ularning rejalashtirilayotgan tadqiqot

bilan bogʻliqligi

- tayanch doktorantura (PhD) dissertatsiyasi yoki keyingi ilmiy faoliyat doirasida olingan asosiy natijalar;

- ushbu natijalar orqali hal etilgan ilmiy masalalar;

- natijalarning ilmiy yoki amaliy ahamiyati;

- rejalashtirilayotgan doktorantura (DSc) tadqiqotiga bevosita daxldor natijalar;

- avvalgi natijalardan yangi tadqiqot muammosiga oʻzviy bogʻliqligi;

- doktorantura (DSc) tadqiqotining avvalgi ishlardan farq qiluvchi yangi yoʻnalishi aks ettiriladi.

3. Ilmiy muammoning zamonaviy holati va hal etilmagan jihatlari

- tadqiqot yoʻnalishining zamonaviy ilmiy holati;

- mahalliy va xorijiy tadqiqotlarning asosiy natijalari;

- mavjud nazariya, usul, model, texnologiya yoki boshqa ilmiy yechimlar;

- mavjud yechim va yondashuvlarning yetarli boʻlmagan jihatlari;

- qoʻshimcha tadqiqot talab etadigan masalalar;

- tadqiqot doirasida hal etilishi rejalashtirilayotgan asosiy ilmiy muammo;

- foydalanilgan asosiy ilmiy manbalarga havolalar aks ettiriladi.

4. Tadqiqot konsepsiyasi, maqsadi va asosiy vazifalari

- hal etilishi rejalashtirilayotgan asosiy ilmiy muammo;

- tadqiqotning asosiy konsepsiyasi;

- konsepsiyaning mavjud ilmiy holatdan kelib chiqishi;

- tadqiqot maqsadi;

- maqsadga erishishga qaratilgan asosiy ilmiy vazifalar;

- vazifalarning oʻzaro mantiqiy ketma-ketligi;

- vazifalar orqali erishilishi kutilayotgan ilmiy natija yoʻnalishlari.

5. Tadqiqot obyekti, predmeti va qamrovi

- tadqiqot obyekti;

- tadqiqot predmeti;

- obyekt va predmetning ilmiy muammo bilan bogʻliqligi;

- ularning tadqiqot konsepsiyasi, maqsadi va vazifalariga muvofiqligi;

- tadqiqot xususiyatidan kelib chiqib hudud, vaqt, maʼlumotlar, tanlanma, eksperiment yoki boshqa tadqiqot qamrovi aks ettiriladi.

6. Tadqiqot metodologiyasi va usullari

- tadqiqotning asosiy metodologik yondashuvi;

- qoʻllaniladigan asosiy ilmiy usullar;

- har bir usulning tegishli tadqiqot vazifasi bilan bogʻliqligi;

- zarur maʼlumot, material yoki eksperiment natijalarini olish tartibi;

- maʼlumotlarni qayta ishlash, tahlil qilish va qiyoslash usullari;

- usullarning oʻzaro bogʻliqligi va qoʻllash ketma-ketligi;

- natijalarning ishonchliligini baholash yoki tekshirish usullari;

- tanlangan metodologiyaning kutilayotgan ilmiy natijalarni olish imkoniyati aks ettiriladi.

7. Kutilayotgan ilmiy yangilik

- olinishi kutilayotgan asosiy yangi ilmiy natijalar;

- ular hal etadigan ilmiy masalalar;

- natijalarning mavjud bilim, usul, model, nazariya yoki boshqa yechimlardan farqi;

- kutilayotgan yangilikning tadqiqot vazifalari bilan bogʻliqligi;

- kutilayotgan natijalarning avvalgi PhD va boshqa tadqiqot natijalaridan farqi;

- ilmiy yangilikni olish uchun asos boʻluvchi metodologik yondashuv aks ettiriladi.

8. Kutilayotgan natijalarning ilmiy va amaliy ahamiyati

- kutilayotgan natijalarning ilmiy ahamiyati;

- ularning mavjud ilmiy bilim, nazariya, usul yoki yondashuvlarni rivojlantirishdagi oʻrni;

- kutilayotgan natijalarning amaliy ahamiyati;

- natijalardan foydalanish mumkin boʻlgan soha, jarayon yoki obyekt;

- tegishli hollarda natijalarni amaliyotga tatbiq etish yoʻnalishlari;

- ilmiy va amaliy ahamiyatning kutilayotgan ilmiy yangilik bilan bogʻliqligi aks ettiriladi.

9. Tadqiqotni amalga oshirish strategiyasi, bosqichlari va yakuniy

asoslash

- tadqiqotni amalga oshirishning umumiy ilmiy strategiyasi;

- tadqiqotning asosiy bosqichlari;

- har bir bosqichda bajariladigan asosiy ilmiy ishlar;

- vazifalarning uch yillik davr boʻyicha taqsimlanishi;

- har bir bosqich yakunida kutilayotgan oraliq ilmiy natijalar;

- kutilayotgan ilmiy yangiliklarning shakllanish bosqichlari;

- bosqichlar va natijalarning oʻzaro mantiqiy bogʻliqligi;

- natijalarni umumlashtirish va dissertatsiyani yakunlash;

- dissertatsiya bajarilgan muassasada dissertatsiyani dastlabki ekspertizadan oʻtkazish;

- dissertatsiyani himoyaga taqdim etish va Ilmiy kengashda himoya qilish;

- tadqiqotni belgilangan uch yillik muddatda amalga oshirish imkoniyati;

- tadqiqot konsepsiyasi, metodologiyasi, kutilayotgan natijalari va amalga oshirish strategiyasining umumiy muvofiqligi aks ettiriladi.